منتديات الحجاز الثقافية  

 


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات الحجاز الأدبية - Alhjaz Literary Forums > قصص و حكايات > قصص قصيرة

باركولى انخطبت

هذه القصة ليست لي ولكن انقلها لكم عن لسان صاحبتها وهى منقولة... :mad::mad::mad::mad: ابشركم انخطبت كنت قاعدة اتفرج عالتلفزيون ... متابعة مسلسل .. وجا مشهد زواج وحدة من

إضافة رد
 
أدوات الموضوع انواع عرض الموضوع
قديم 28-11-2011, 07:14 PM   #1
شمس المدينة
حجازي غير
 
الصورة الرمزية شمس المدينة
 
تاريخ التسجيل: Oct 2009
الدولة: المدينة المنورة
المشاركات: 613
معدل تقييم المستوى: 15
شمس المدينة ممتاز
2 Asmilies Com باركولى انخطبت

script type="text/javascript">
هذه القصة ليست لي ولكن انقلها لكم عن لسان صاحبتها وهى منقولة...
باركولى انخطبت bleh.gifباركولى انخطبت bleh.gifباركولى انخطبت bleh.gifباركولى انخطبت bleh.gif

ابشركم انخطبت

كنت قاعدة اتفرج عالتلفزيون ... متابعة مسلسل ..



وجا مشهد زواج وحدة من الشخص اللي تحبه من زمااااان ...



قلبت القناة على قناة ثانيه ...



لقيت عرض أزياء فساتين عرايس...



قلبت القناة .. لقيت خطوات وضع مكياج العروس ...



سكرت التلفزيون وجريت الونة ' تنهيدة كبيرة ' تشقق الصدر



التفت علىّ ابوي اللي نسيت تماما انه كان جنبي ... قال لي ابوي :



خير إن شاء الله يابنتي ؟! وش فيك ؟! عسى ماشر ؟!



انا تلخبطت ساعتها وفتحت له التلفزيون وقعدت ساكتة ...



ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...



اقول له ان صاحباتي اغلبهم تزوجوا ؟؟؟



وإلا أقول له إني تمنيت أكون مكان بنت خالي في كوشتها وفي الزفة أمس ؟



يقطع الدراسة وسنينها ياشيخ ...



اوف والله غثا .. يا بخت جداتنا ماتطق الوحدة العشر سنين إلا هي مخطوبة ..

>>>>>>>>>>اي والله

وعلى الثنعش اعرست ..



وان وصلت البنت ثمنطعش ما اعرست قالوا عانس !!!



هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...



أخخخ .. يُبه الله يفتح عليك وتخليني اعرس ... وتفكني من الدراسة ...



وساعة انا غارقة في قاع هذي الهواجيس ويرن التلفون ويقطع حبل افكاري ...



طالع الرقم ابوي وقال رقم غريب ... رد بلهجة رسميه :



- وعليكم السلام .....



الله يسلمك .....



الحمد لله بخير .....



ايه أنا أبوفلانة ( منيب قايلة لاحد عشان محد يعرفني ويضحك علي ) ....



لا منت غلطان انا هو ...



ماعليك زود الله يسلمك ...



من معاي ياخوي ماعرفتك ...



والنعم .... تفضل وش السالفة اللي تبيني فيها ؟....



لا ماني مشغول ...



لهالدرجة الموضوع مهم ؟!...



تفضل تكلم شغلتني ...



والتفت ابوي علي وعطاني نظرة غريبة ..



انا ساعتها قرصني قلبي مو من ردود ابوي بس من نظراته الغريبة ..



رد ابوي على المتصل : وش فيها زود طيب ؟...



لا بس مافيها أي ميزات عن الباقي ...



اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..



رد ابوي على المتصل : طيب وبعدين ... أيوه ....



طيب وش اسمك الكامل ؟



وش تشتغل بالضبط ؟



طيب من دلك علي وعطاك رقمنا ؟



لا الموضوع يا ابني مو بهالبساطة ....



العملية مش بيع وشرى وبس ...



الواحد لازم يسأل كثير ويحرص قبل يقدم على أي خطوة ...



لا موضوع انك تجي لبيتنا خليها بعدين ...



لين أسأل عن كل صغيرة وكبيرة ...



لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..



انا كنت اتابع حركات ابوي وانا متشققة من الفرحة ...



أخيرا انخطبت وبتزوج مثلي مثل غيري ...



يوووووه أخيرا بلبس فستان أبيض منفووووووش



أخيرا بطلع أجهز واتقضى للزواج ...



بسوي زواج كبير مررررررة



وبحط زفة ريميكس وطرحتي مابيها خليجية بخليها مبتكرة ...



منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ...



وحصة صديقة امي منيب عازمتها بعد مالي خلقها تحوسني لو حطيت اورج ...



وبشتري أغراض واشيل واحط واخطط ... بيصدع راسي بس ولو لذيذ هالصداع ...



يوم قفل الخط ابوي التفت علي وهو مبتسم ابتسامة تعجب وهو ساكت ... قلت :



- هاه يبه ؟ متى بيجي يشوفني ؟



- منهو



- هذا اللي خطبني تو



- وشو؟!



- خطيبي اللي تو



- تموووووونين انتي ووجهك صار خطيبك على طول ماعندك وقت ..



- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .



للحين تراها حازة في نفسي ..



ترا هالمرة بضرب عن الدراسة ...



والا الاكل مقدر اضرب عنه ...



وجع يبه بعنس من تحت راس فعايلك بخطاطيبي ...



والرسول حث على تزويج من ترضون دينه وخلقه ...



وهذا الخاطب قايل قلبي انه أجودي .. ترا ما اعرفه بس اتوقع انه كذا...



وترا العرس أهم من الدراسة عشان الجنس البشري ماينقرض ....



وبعدين من قال لك اني منيب مكملة دراستي والله بكمل .



حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .



- هي انتي وين رحتي ... حدك حدك لا تشطحين !!!



- وش اشطح ؟!



هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة



- أي عريس وأي هم؟؟!!



انتي مصخنة ؟؟



هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..



قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...



انا لا تسألون عن وجهي ...



الله يقطع أم العجلة اللي تعرفونها



يااني ضحكت من خااااااااااااااطرييييييييييي




fhv;,gn hko'fj

شمس المدينة غير متصل   رد مع اقتباس
قديم 29-11-2011, 10:19 AM   #2
بنت الزمان
مشرفة قسم القصص والحكايات
 
الصورة الرمزية بنت الزمان
 
تاريخ التسجيل: Oct 2009
الدولة: السعودية
المشاركات: 974
معدل تقييم المستوى: 25
بنت الزمان has much to be proud ofبنت الزمان has much to be proud ofبنت الزمان has much to be proud ofبنت الزمان has much to be proud ofبنت الزمان has much to be proud ofبنت الزمان has much to be proud ofبنت الزمان has much to be proud ofبنت الزمان has much to be proud of
افتراضي

script type="text/javascript">
شر البلية مايطحك وولله شئ محرج للغاية ويفشل
تسلم اخي شمس المدينة مزيد من التميز والتالق

مع الشكر والتقدير
بنت الزمان غير متصل   رد مع اقتباس
قديم 29-11-2011, 05:06 PM   #3
شمس المدينة
حجازي غير
 
الصورة الرمزية شمس المدينة
 
تاريخ التسجيل: Oct 2009
الدولة: المدينة المنورة
المشاركات: 613
معدل تقييم المستوى: 15
شمس المدينة ممتاز
افتراضي

script type="text/javascript">
مشكورة اختي الكريمة على المروروبالتوفيق
شمس المدينة غير متصل   رد مع اقتباس
قديم 03-12-2011, 09:03 AM   #4
الثريا
حجازي غير
 
تاريخ التسجيل: Oct 2009
الدولة: جده
المشاركات: 107
معدل تقييم المستوى: 14
الثريا is on a distinguished road
افتراضي

script type="text/javascript">
يقطع ام الرجه هذي آخرتها احراج بس
يعطيك الف عافيه
لك مني كل التقدير
الثريا غير متصل   رد مع اقتباس
قديم 03-12-2011, 02:32 PM   #5
ام عدنان
.:: حجازي نشط ::.
 
تاريخ التسجيل: Nov 2011
الدولة: المملكة العربية السعودية
المشاركات: 52
معدل تقييم المستوى: 12
ام عدنان ممتاز
افتراضي

script type="text/javascript">
يعطيك العافيه
ام عدنان غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 03:32 AM


Powered by vBulletin® Version 3.8.7
Copyright ©2000 - 2023, Jelsoft Enterprises Ltd
All Rights Reserved Alhjaz forums © 2006 - 2020